کوئی سلسلہ نہیں جاوداں
مبشر گورائیہ
ڈیپارٹمنٹ آف مکینیکل انجینئرنگ
کوئی سلسلہ نہیں جاوداں
تیرے ساتھ بھی... تیرے بعد بھی
میں تو ہر طرح سے ہوں رائیگاں
تیرے ساتھ بھی... تیرے بعد بھی
میرے ہم نفس تُو چراغ تھا
تجھے کیا خبر میرے حال کی !
کہ جئیں ہم کیسے دُھواں دُھواں
تیرے ساتھ بھی... تیرے بعد بھی
میں یہ چاہتا ہوں ... کہ عمر بھر
رہے تشنگی... میرے عشق میں
کوئی جستجو رہے درمیاں
تیرے ساتھ بھی... تیرے بعد بھی